2013年11月22日 星期五

日本中部(名古屋,高山)自駕遊&自由行之旅_2013年11月6-11日_爸爸媽媽

今次同阿爸阿媽去旅行已經是第3年了~前兩年系去北京同上海,大家同聲同氣,住與食都冇咩大問題;但今次去日本就真系大件事了~在旅程第5日,差啲與老豆反面呢~

其實問題出系邊到實際上我真系唔知道,但我覺得有可能系老豆雖然系佢自己答應我來,但後來他後悔了~說早知不答應我。就因為E個原因他系心理上已經有一種唔想嚟的諗法。因可能他年紀較大,對以前日本人對中國人做過的事比我們年青人這一輩有更強烈反感而產生負面情緒。


我住的酒店是商務酒店,房間也比較細,來之前我已經跟佢吔講過與屋企房差唔多大而已,不可以有其望,但就一定乾潔。話就話講咗,但我知老豆仲系唔習慣,因佢話細到連喼都放唔落呢~

食方面更是最大問題,我想佢從來未食過今次旅程的大部份食物,問我在日本唔會有叫餸食飯的咩?我先諗,咁每次嚟日本又真系每人一份各自各食的呀~

E家講講咩事差啲與老豆反面~他真系有好大問題,平時返屋企食飯他已經系經常性講反話,講埋晒啲風涼話,我其實對住佢都有好大忍耐力,但建建講就快忍唔住我老豆,建建講系我攪成我老豆咁樣,叫我要對佢惡啲,唔好樣樣咁就晒佢,要等佢知道佢自己問題系邊到,而我說算啦,一年一次而已,唉~

舉啲例子比你吔知就知道佢幾難頂:
叫佢唔好一路行一路食煙他死都唔聽人講,死都要一路行一路食(日本法例系不準一路行一路食的),平時在街上我都算啦~但他系白川鄉都一樣,我死叫佢唔好,人吔世界遺產來的,啲屋全部用草與木做,真的有意外燒到咁點呢(而白川鄉其實四圍都有比人食煙的地方),不停叫佢唔聽,叫佢唔好行近啲草唔聽,我發皮氣話我唔行呀他先唔食,我真的好想死呀~

另外佢又不停駡街連一個垃圾筒都冇,咁人吔系冇咁點呀~人吔啲街上又乾乾淨淨一舊垃圾都冇呀~~

更加埋普的是人吔國家有人吔國家的規矩,但他竟然答我吔:我就系規佢規矩~~~

仲有好多好多事發生,他其實絕對同大陸人在地鐵站抱著個小朋友去廁所覺得完全唔系問題系同一類人呀~~我的天呀~~我竟然有一個咁樣的老豆~~想死~~

但其實最後我都忍唔住,我同佢講,你唔好再系咁呀,建已經快發皮氣啦~之後他才收歛咗一啲,但只是一陣,因為他之後又回復本來真面目八九成~~

初初去的頭三日,他都有笑的,但後來成日黑面,我都唔知他想點,我付錢與他們去旅行得到一個咁樣的結果,我想~再系咁我真系唔想同佢去了,就算唔系日本系大陸都唔想~比錢佢同阿媽自己兩個去好過~

而他之後亦有話,叫我以後唔好再叫佢去日本,佢唔會再去,要去你自己同阿媽去~而我亦都唔想再同佢去~我唔想苦了自己~

回港後一個星期的一個夜晚,老豆打電話比我叫我睇電視,講E家電視系到播富士山,講富土山好靚,我好串咁同佢講:系呀~好靚呀~不過好靚都冇用啦,你都唔會再去。而他答我:系呀,我唔會再去。咁佢打來究竟仲乜呢~佢想點呢~我都唔知道佢想點~因我覺得佢唔只系講比我知富士山好靚咁簡單囉~

其實真系除咗老豆,阿媽方面完全冇野的,她還讚日本的地方真系好乾淨,人又好有禮貌,但我會同阿媽再嚟日本呢?我唔知道,因為阿媽講日本啲風景真系好靚,但行街我就真系冇興趣呀~

就系佢E句,對我來講同佢吔來真系有好大犠牲。今次計劃來旅行我已經唔可以安排太長時間行街而安排咗好多唔同的節目比佢吔,就因為咁樣我完全唔可以隨意地行街,這個旅程跟本除了在激之安殿堂內系真真正正慢慢行及睇野個幾鐘之外,其它的也沒有行,我其實真系好想用半日時間行大須觀音街,但我只系可以說經過而已~~~~咁樣嚟日本對我嚟講真系好慘呀~~

再同佢來,等找諗清楚先啦~~



你睇下啲相,初時有笑的,後來就全程黑面~~


















 <<相關blog>>

日本中部(名古屋,高山)自駕遊&自由行之旅_2013年11月6-11日_購買機票

日本中部(名古屋,高山)自駕遊&自由行之旅_2013年11月6-11日_天氣預告&紅葉情報

日本中部(名古屋,高山)自駕遊&自由行之旅_2013年11月6-11日_ANA預辦登機&飛機餐

日本中部(名古屋,高山)自駕遊&自由行之旅_2013年11月6-11日_DAY 1(出發啦!!)

日本中部(名古屋,高山)自駕遊&自由行之旅_2013年11月6-11日_DAY 2(名古屋港水族館,名古屋海洋博物館,南極觀測船,名古屋港展望台,名古屋城,大須觀音街)

日本中部(名古屋,高山)自駕遊&自由行之旅_2013年11月6-11日_DAY 3_Park 1(飛驒之里)

日本中部(名古屋,高山)自駕遊&自由行之旅_2013年11月6-11日_DAY 3_Park 2(高山陣屋,古街)

日本中部(名古屋,高山)自駕遊&自由行之旅_2013年11月6-11日_DAY 4(Part I)(中部山岳國立公園,飛驒市古川町)

日本中部(名古屋,高山)自駕遊&自由行之旅_2013年11月6-11日_DAY 4(Park II)(白川鄉&蓬萊軒鰻魚飯)

日本中部(名古屋,高山)自駕遊&自由行之旅_2013年11月6-11日_DAY 5(香嵐溪,激之安殿堂)

日本中部(名古屋,高山)自駕遊&自由行之旅_2013年11月6-11日_DAY 6(旅程結束,回家啦~)

日本中部(名古屋,高山)自駕遊&自由行之旅_2013年11月6-11日_自駕

日本中部(名古屋,高山)自駕遊&自由行之旅_2013年11月6-11日_酒店

日本中部(名古屋,高山)自駕遊&自由行之旅_2013年11月6-11日_食

日本中部(名古屋,高山)自駕遊&自由行之旅_2013年11月6-11日_買

日本中部(名古屋,高山)自駕遊&自由行之旅_2013年11月6-11日_爸爸媽媽

日本中部(名古屋,高山)自駕遊&自由行之旅_2013年11月6-11日_叮噹寫真集

日本中部(名古屋,高山)自駕遊&自由行之旅_2013年11月6-11日_後記