2014年4月16日 星期三

2014年4月5-6日_兩日一夜西貢灣仔露營記

已經有一段時間冇去灣仔啦~今個星期的目的地就去下先~~嘻嘻!!

由4月開始,建建又要開始返兩星期日更,兩星期夜更的輪班工作,所以今個星期的露營活動要待建建星期六早上放工後才可以出發呢~

今個星期的我們,一早便約了營友一起出發去露營~有營友一起玩實在是一件開心又愉快的事情~

今個星期天氣預告一天好,一天不好~~
但有得玩~玩咗先~嘻嘻!!
黃石碼頭大機會比人炒牌,我吔都系把車泊在閘口外比較安全~泊好車,轉94入去黃石碼頭~




船未到~~營友先到~~
10:40
出發去灣仔~Yeah!Yeah!Yeah!

 有人無聊
玩自拍

今日系清明節,一早已經有好多人在黃石碼頭坐船去塔門拜山
而碼頭上亦多了兩個女仔即場賣飛~           我吔2家人的裝備~


今天的灣仔也幾熱鬧啊!!

到達營地,第一件事當然是建好自己的家園先啦~
營友的家也好快起好~
今個星期我吔又做格離鄰舍 


家建好~又系吹水的時間
 當然亦要食午餐啦~我就有營友請的士多啤利一起吃,而建建
當然又系佢最喜歡,我最討厭的啤酒啦,現在仲要加多樣冇益的零食~花生...唉~~冇眼睇~
營有的燈~好鬼得意,好似一對眼呢~~

食飽飽,建昨天返工到現在又冇訓過,當然去訓返個午覺啦~~
而我見佢訓,我又倦倦地之下~又一齊訓返個午覺呢~


我兩大覺訓,而營友樂悠悠地去釣魚~

這一覺我倆訓到天昏地暗~是真的暗~因一打開雙眼已經是7:30了~營地已經黑晒呢~

今次我覺得自己好叻好叻~平時超怕吵的我竟然可以訓足幾個鐘冇醒過呢~而其實我一直訓,一直是聽到人聲的~但都訓到7:30,真的要比十個叻自己~~

訓醒又到食晚餐的時候~嘻嘻!!


各人又開始忙著今晚的晚餐,當然亦有營友樂在其中,食瓜子~~

晚餐出爐啦~~


食完晚餐,我吔又有營友提供的美味糖水吃~ 


我們的家自成一角~好有私隱~
一邊食糖水,當然一邊吹下水~



開心的時間過得特別快,好快一天又過去,食完吹完又到訓覺的時候了~

星期日早上起來又系食~


今個星期我們的早上超簡單~麵包咖啡+雞蛋
 嘻嘻~~還有營友提供的粥及薄餐


 食完早餐我吔要快快收拾家園~因今天的天氣預告是:稍後會有幾陣狂風雷暴


今個星期的天氣預告竟然超準,食完早餐拾好大部份家園只是11點多些,已經開始風雲色變了


而天幕建建與營友要在大風大雨之下收拾~


我吔與營友的天幕,在亭裡吹乾
吹乾前,先清潔清潔先~ 


冇野好做,營友與建建齊齊釣魚
營友有一條收獲,而建建....
空手而回~ 


 好快,灣仔營地又四處也是水氹


大風大雨又冇乜野好做,4點我吔便提早離開
本來打算在黃石食晚餐及釣魚,但我看見天氣咁差冇乜心情,便決定提早回家,結束今次的露營活動。



最近露營也與幾個相熟的營友一起玩,玩得真的好開心~可能我吔大家相處只是露營,吹水,食野+釣魚,什麼是是非非也沒有半點存在在我們6個人身上,每時每刻也是說說笑笑,吵吵鬧鬧,真的好開心呢~