貝澳露營記_2013年9月7-8日(兩日一夜)貝澳露營

放了個短暑假(8月出了外玩)今個星期我們又出動了，今次的地點是貝澳營地。

星期六早上待建放工後，晨早7:30便出發往貝澳(仲早過返工呢~)到達營地時11點也未到呢~

今天帶了在沖繩買的新冰箱與雜物掛袋(其實人吔是用來晒咸魚的呢~)

100円而已~~我覺得超便宜囉~~爛咗再買過~嘻嘻!

建建的活動當然不少得的就是出海釣魚，而我自釣到魚後亦加埋一份子，齊齊在海中央呢~

 你睇下佢個衰樣幾開心~~

 第一次出海時，建建搵的石頭太細了，結果船不停漂出大海，無法之下我吔回防鯋網勾住浮波釣才冇再漂出大海，而建可能因要成日把艇爬返入岸邊，攪到佢只釣到一條魚毛毛而已...而我~~哈哈~~威啦~有8條收獲，這星期六的我大獲全勝~~開心死我啦~~

星期日我出馬，找咗兩舊一大一小的石頭，而最後建揀了大那舊，結果我吔終於安然地在海中央沒有再被漂出大海了~~

 馮生也在海中央齊齊釣呀~釣呀~

星期日我吔繼續出動，11點出海到3點才回航，回航原因是...發現船漏氣呀~~~大件事~~~當時我吔在距離防鯋網多一倍的距離的海中心，我吔立即以超高速爬呀爬呀~~15分鐘回到岸上，見到隻船已經漏咗起碼1/4氣~~嚇死我~~好彩冇事~~

但我吔的船要報消嗎~~~只玩咗3個月而已~~~好傷心呀~~

回到家我查看可否找出那裡漏氣，但聽來聽去都聽不到(漏氣的洞可能太小了)，可能要用水才可以找到呢~

但我不明白，為何外層與內層兩個氣室一起漏氣呢~我當初買它是因為覺得這比較安全，但現在發現原來不是呢~下次再買都不知買那款才好了~

星期日~~建比我釣多好多，我只有4/5條(忘了4條定5條)

但雖然數量冇他多~~哈哈~~圖裡最大的3/4條也是我釣的呀~~哈哈~~開心死我~~

但...我只釣到沙鑽..我想要黃腳立呀~~

這星期六日，貝澳營地依然是處處滿滿的~有一個營位更加紥了6個營~一睇這當然是早出晚歸的自由行了~

開心的時間過得特別快，星期日9點半，我吔又收拾好所有東西回家去了~~